بابەتی چاکسازیی پرۆسەیەکی بەردەوامە و پێویست بەوە دەکات دامەزراوەکان بەهێزتربکرێن، هەر لەسەر ئەو بنەمایەش لە پەرلەمانی کوردستان دەنگ بە کارنامەی کابینەی نۆیەمی حکوومەتی هەرێمی کوردستان دراوە کە بنەما سەرەکییەکانی چاکسازیی بووە.
ئه‌مڕۆ پێنج شه‌ممه بەبۆنەی رۆژی جیهانیی بەرەنگاربوونەوەی گەندەڵی، دەستەی دەستپاکی لە هەرێمی کوردستان بە هاوکاری یەکێتیی ئەورووپا و رێکخراوی “UNDP” دیداری ستراتیجیی نیشتمانیی رووبەڕووبوونەوەی گەندەڵی لە هەرێمی کوردستانیان رێکخست.
هێمن هەورامی ،جێگری سەرۆکی پەرلەمانی کوردستان، لە میانی بەشداریکردنی لە دیدارەکەدا، دەربارەی پرۆسەی چاکسازیی و رووبەڕووبوونەەی گەندەڵی بۆ میدیاکان دوا و رایگەیاند “بابەتی چاکسازیی پرۆسەیەکی بەردەوامە و پێویست بەوە دەکات دامەزراوەکان بەهێزتربکرێن، هەر لەسەر ئەو بنەمایەش لە پەرلەمانی کوردستان دەنگ بە کارنامەی کابینەی نۆیەمی حکوومەتی هەرێمی کوردستان دراوە کە بنەما سەرەکییەکانی چاکسازیی بووە، هەر لەسەر ئەو بنەمایەش ئێمە یاسای ژمارە دووی ساڵی 2020 مان لە پەرلەمانی کوردستان پەسەندکرد.
