وەک بەشێک لە دیدگای مەسرور بارزانی، سەرۆکی حکوومەتی هەرێمی کوردستان، بۆ هەمەچەشنکردنی ئابووریی و پاڵپشتیکردنی کەرتی کشتوکاڵ، تیمی نووسینگەی سەرۆکوەزیران بە هەماهەنگی لەگەڵ وەزارەتی کشتوکاڵ و سەرچاوەکانی ئاو لە مانگی یەکی ساڵی 2023، دوای لێکۆلینەوەی و بەدواداچوونی ورد هەنگوین وەک یەکێک لە بەرهەمەکان بۆ هەناردەکردن لە ساڵی 2023دا هەڵبژێردرا.
تیمی نووسینگەی سەرۆکوەزیران بە هاوبەشی لەگەڵ کۆمپانیایەکی ناوخۆیی کەرتی تایبەت کاریان کرد بۆ دۆزینەوەی هەنگەوانان و دۆزینەوەی بازاڕە نێودەوڵەتییەکان بۆ هەنگوینی کوردستان، کە تیایدا تیمی نوسینگەی سەرۆکوەزیران شارەزایی تەکنیکییان پێشکەش کرد بۆ بەجێگەیاندنی هەنگاوەکان بە شێوەیەکی سەرکەوتوو.
ڕێژەی بەرهەمی هەنگوینی کوردستان:
– ساڵی 2023 نزیک لە 550 تۆن بووە.
– لەداهاتوودا ئەگەر خواستی دەرەکی پێویست بەدی بهێنرێت، دەتوانرێت بەرهەمی هەنگوینی کوردستان زیاتر بکرێت.
ئامانج لەم هەنگاوە
– هەنگاوێکی ترە لە هەمەچەشنکردنی ئابووری هەرێمی کوردستان؛ ئەمەش هاوتەریبە لەگەڵ ئەو دیدگایەی کابینەی نۆیەم بۆ کەمکردنەوەی پشتبەستن بە داهاتی نەوت پەیڕەوی دەکات.
– پێشکەشکردنی پاڵپشتی بۆ هەنگەوانە ناوخۆییەکان، لەڕێگەی دروستکردنی بازاڕ لە ئاستی ناوخۆ و نێودەوڵەتیدا.
– بەهێزکردن و بەشداریپێکردنی کۆمپانیاکانی کەرتی تایبەت لە پرۆسەی هەناردەکردندا کە دەبێتە هۆی بەهێزکردنی کەرتی تایبەت لە هەرێمی کوردستان.
پرۆسەی تاقیکردنەوە
– بۆ دڵنیابوون لە کوالیتی و پابەندبوونی هەنگوینی کوردستان بە ستانداردە نێودەوڵەتییەکان، پرۆسەی پشکنینی پەیوەست ئەنجامدراوە.
– هەنگاوی یەکەمی تاقیکردنەوەکە لە مانگی شوباتی 2023 لە تاقیگەی NLRC لە شاری فوجەیرە لە ئیمارات ئەنجامدرا.
– هەنگاوی دووەمی پرۆسەی تاقیکردنەوە لە مانگی تشرینی یەکەمی 2023 لە تاقیگەی SGS لە شاری دوبەی لە ئیمارات ئەنجامدرا.
بازاڕە نێودەوڵەتی و ناوخۆییەکان
تیمی نووسینگەی سەرۆکوەزیران وەک ناوەندێک لە نێوان کۆمپانیای کەرتی تایبەت و بازاڕی ناوخۆیی و نێودەوڵەتی کاری کردووە.
– لە هەنگاوی یەکەم وەڵاتی قەتەر، بڕی دوو تەن هەنگوینی کڕیوە.
– لەقۆناغەکانی داهاتوودا هەنگوین هەناردەی وڵاتانی تری جیهانیش دەکرێت.
– کۆمپانیا ناوخۆییەکانی عێراق: بڕی 1020 کیلۆ هەنگوینیان کڕیوە
