بەپێی ئەنجامی توێژینەوەیەکی نوێ کە لە ئوسترالیا ئەنجام دراوە، ژیان کردن لە ماڵێکی گەورە و لە پەیوەندییەکی بەهێزی خێزانیدا ئەگەری توشبوون بە خڵەفان و مردنی پێشوەخت کەمدەکاتەوە، بەراورد بەو کەسانەی کە لە تەنهاییدا دەژین
توێژینەوەکە لە لایەن تیمێکی زانکۆی ئادێلایدێی ئوسترالیاوە لەسەر کەسانی سەروو تەمەن 60 ساڵ لە 180 وڵاتی جیهانەوە کراوە کە جیاوازی لە شێوازی ژیان کردنیان هەبووە
ماجیژ هێنێبێرگ سەرپەرشتیاری توێژینەوەکە ڕایگەیاندووە کە بۆیان دەرکەوتووە پەیوەندییە کۆمەڵایەتییەکان کاریگەری ڕاستەوخۆیان هەیە لەسەر سوود گەیاندن بە لایەنی دەروونی مرۆڤ
بەپێی ڕێکخراوی تەندروستی جیهانی نزیکەی 55 میلیۆن کەس لە جیهاندا توشبووی حاڵەتەکانی خڵەفان و زەهایمەرن
