نوێترین هەواڵ
سەرەتا / کوردستان / داوا ده‌كرێت میدیای تاقمی خۆرۆشی لاهوور جه‌نگی دابخرێت

داوا ده‌كرێت میدیای تاقمی خۆرۆشی لاهوور جه‌نگی دابخرێت

له ‌یادی رۆژنامه‌گه‌ریی كوردی، ڕۆژنامەنووسان و چاودێران داوا دەكەن، بەشێكی میدیای كوردستان لە دەست تاقمێكی خیانەتكار رزگار بكرێت تاوەكوو ڕێگە لە هەوڵەكانی زیانگەیاندن بە هەرێمی كوردستان بگیرێت.
د. مه‌دحه‌د سلێمان، مامۆستای زانكۆ و چاودێری سیاسی، راگەیاند: “هیوادارم ڕۆژی رۆژنامه‌گه‌ریی كوردی ببێته‌ هۆی برایه‌تی و پێكه‌وه‌ژیان، ئه‌وانه‌ی لە میدیادا كار دەكەن په‌یامی یه‌كڕیزی و ته‌بایی هەڵبگرن، واز لە چەواشەكاری و تەشهیركردن بە نەیارە سیاسییەكانیان بهێنن”.
ڕوونیشی كردەوە كە هەندێك دەستە و تاقم بۆ مەرامی سیاسی پارەیەكی زۆر خەرج دەكەن و میدیا و سۆسیال میدیایەكی زۆری پێ دامەزرێندراوە كە لە رێگەیەوە هەوڵی لەخشتەبردنی خەڵك و لێدان لە قەوارەی هەرێمی كوردستان دەدرێت، “بەو هیوایەی كۆمەڵگەی ئێمە هۆشیار ببنەوە و سنوورێك بۆ ئەم جۆرە میدیایە دابنێن”.
لە لایەن خۆیەوە شوان حوسێن، رۆژنامه‌نووس ،راگەیاند: “له ‌یادی رۆژنامەگه‌ریی كوردی سڵاو و رێز بۆ گشت رۆژنامه‌نووسان و میدیاكارانی كوردستانو هیوادارم میدیا ببێته‌ نموونه‌ی جوانی كۆمه‌ڵگا. به‌داخه‌وه‌ دیارده‌یه‌كی نامۆ و ناشرین له‌ هه‌ندێك له ‌میدیاكانی سلێمانی ده‌بینرێت كه‌ ئێستا به‌شێكیان بوونه‌ته‌ ئامرازی تاقمەكەی لاهوور جه‌نگی و بۆ شەڕی راگه‌یاندنی خۆی بەكاریان دەهێنێت”.

جەختیشی كردەوە: “ئەم بەشە لە میدیای كوردی كە لە ژێر هەژموونی لاهوور جەنگیدان، بە ئاستێكی نزم و زمانێكی بازاڕی و جنێودان و درۆ و ساختەكاری، كه‌وتونه‌ته‌ گیانی كه‌سانی سەربەخۆخواز و نیشتمانی و هێزه‌ سیاسییه‌كانه‌وه، دواجار سه‌رجه‌م كۆمه‌ڵگا زیانی تێدا ده‌كات”.

بەپەلە

بەپەلە.. بەرپرسێکى باڵاى پارتى: بڕیارى کشانەوە لە پڕۆسەى سیاسى عێراق لەبەردەمان کراوەیە

شێروان دووبەردانی، ئەندامی فراكسیۆنی پارتی لە پەرلەمانی عێراق گوتی: بایكۆتی هەڵبژاردنی پەرلەمانی كوردستان لەلایەن پارتی …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *