باوكی یەكێك لەو ڕۆژنامەنووسانەی لە شاری سلێمانیدا كوژرا و كەیسەكەشی لە لایەن دادگاوە پێش كۆتاییهاتنی تەواوەتیی لێكۆڵینەوەكان داخرا، داوا دەكات لە ڕۆژی رۆژنامەگەریی كوردیدا راستیی كەیسی كوشتنی ئامانج بابانی و هاوسەر و منداڵەكەی بۆ ڕای گشتی ئاشكرا بكرێت.
محەمەد نووری، باوکی ئامانج بابانی، ئەو ڕۆژنامەنووسەی لەگەڵ لانە محەمەدی هاوسەری و منداڵەکەی لە نێو سلێمانیدا کوژران، ڕاگەیاند، لە ساڵیادی ڕۆژنامەگەریی کوریدا، ئەوەی کە دیار نەبێت و دەنگی نەبێت، ”بەداخەوە ئامانجی کوڕمە، خۆزگە لە ژیان بوایە بۆ ئەوەی بە زەردەخەنەکانی پیرۆزبایی ساڵیادی ڕۆژنامەگەری لە ھەموو ھاوپیشەکانی بکردایە، بەڵام ئیتر بڵێم چیو ئێستا ئامانجی کوڕم دوورە لە میدیا و ھاوپیشەکانی، تەنھا ئەوەندە دەڵێم پیرۆزبایی ڕۆژی ڕۆژنامەگەری لە ھەموو ڕۆژنامەنووسان و ھاوپیشەکانی ئامانجی کوڕم دەکەم“.
ڕوونیشی كردەوە، ھەرچەندە دادگای سلێمانی دۆسیەكەی ئامانج بابانی و خانەوادەكەی داخستووە، بەڵام گھەر لە یەکەم ڕۆژی ڕووداوەکەوە تاوەکوو ئێستا، خەڵکی کوردستان گومانی لە ڕووداوی گیان لەدەستدانی ئامانج و لانەی ھاوژینی و منداڵەکەی ھەبووە، چونکە ئامانج و ھاوژین و منداڵەکەی کوژراونو خەڵکی چۆن لە گوماندا نابێت؟ دواجار ھەموو کەسێک ئەو ڕاستییە دەزانێت کە ئامانج کەسێکی چۆن بووە و ھەرگیز ئامادە نەبووە چۆلەکەیەک بکوژێت، ئیتر چۆن دەستی دەچێتە کوشتنی ھاوژین و منداڵەکەی؟”.
محەمەد نووری، باوکی ئامانج بابانی پێیوایە ئەرکی لایەنە فەرمییەكانی ھەرێمی کوردستانە، ”کاری جددی لەسەر دۆسیەی ئامانجی کوڕم بکەن و ڕێگەنەدەن دۆسیەی ئامانج ون بکرێت، چونکە تازە من کوڕەکەم لەدەستداوە و بۆم ناگەڕێتەوە، بۆیە پێویستە لایەنە پەیوەندیدارەكان، ھەوڵەکانی خۆیان چڕ بكەنەوە و ڕاستیی رووداوەكە ئاشكرا بكەن“.
سەرەتا / کوردستان / باوكی ئامانج بابانی له ڕۆژی ڕۆژنامهگهری كوردی داوای دۆزینهوهی بكوژی كوڕهكهی دهكات
بەپەلە
مەسرور بارزانی فەرمان بۆ تەرخانكردنی گوژمەی پێویست بۆ پڕۆژەی ماستەرپلانی هەڵەبجە دەردەكات
ئەمڕۆ پێنجشەممە 28/3/2024، ساسان عەونی، وەزیری شارەوانی و گەشتوگوزاری حكوومەتی هەرێمی کوردستان ڕایگەیاند: “مەسرور بارزانی، …