چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
عیرفان كه‌ركووكی سكرتێری گشتیی پارتیی گه‌لی توركمانی و ئه‌ندامی ئه‌نجوومه‌نی پارێزگای كه‌ركووك،ڕایگه‌یاندووه:كه‌ركووك پێویستی به گه‌ڕاندنه‌وه‌ی متمانه و شه‌رعییه‌ته، له ڕۆژی 16ـی ئۆكتۆبه‌ره‌وه متمانه و شه‌رعییه‌ت له ئیداره‌ی كه‌ركووك نه‌ماوه، ده‌بێت شه‌رعییه‌ت بۆ كه‌ركووكییه‌كان بگه‌ڕێته‌وه، تا پارتیش نه‌گه‌ڕێته‌وه شه‌رعییه‌ت نییه.
ئه‌وه‌ی ئێسته له كه‌ركووك هه‌یه له دوای 16ـی ئۆكتۆبه‌ری2017، گه‌نده‌ڵی سنووری تێپه‌ڕاندووه، ڕاكان جبووری پارێزگاری سه‌پێنراوی سه‌ر خه‌ڵكی كه‌ركووك به ئاره‌زووی خۆی كار ده‌كات، له‌سه‌ر داوا و پێشنیاری خه‌ڵكی كه‌ركووك كار ناكات، ئه‌گه‌ر سه‌یر بكه‌ین خه‌ڵك هه‌موو ناڕازییه له‌و دۆخه، كاره‌با نییه، نه‌وت به دادپه‌روه‌ری دابه‌ش ناكرێت به‌سه‌ر هاووڵاتییاندا، نرخی پاره‌ی كاره‌بای موه‌لیده زۆره.
گه‌نده‌ڵی ئیداری زۆر به‌رز بووه‌ته‌وه له داوده‌زگاكانی حكوومه‌ت، چه‌ندان نووسراو دراون به دادگای تایبه‌تمه‌ند و گه‌نده‌ڵییه‌كی زۆر ئاشكرا بووه، به‌ڵام ئه‌وه‌ی ده‌یبینین به ده‌سته‌به‌ری ئازاد كراون.
•بۆ دامه‌زراوه‌كانی حكوومه‌ت كاری خۆیان ناكه‌ن و شار بووه‌ته زبڵخانه؟
ئه‌گه‌ر ته‌ماشای داوده‌زگاكانی حكوومه‌ت بكه‌ین له كه‌ركووك، هیچ دادپه‌روه‌رییه‌ك بوونی نییه، خۆڵ و خاشاكێكی زۆر له كه‌ركووك كه‌ڵه‌كه بووه له شه‌قام و گه‌ڕه‌كه‌كان و به‌ناوی زیاده‌ڕۆیی ده‌ستیان كردووه به ڕووخاندنی خانووی هاووڵاتییانی هه‌ژار، ئه‌وه‌ش گه‌نده‌ڵی ئیدارییه بۆ ئیمتیازی كه‌سێتی به‌كار ده‌هێنرێ.
كه‌ركووك پێویستی به گه‌ڕاندنه‌وه‌ی متمانه و شه‌رعییه‌ته، له ڕۆژی 16ـی ئۆكتۆبه‌ره‌وه متمانه و شه‌رعییه‌ت له ئیداره‌ی كه‌ركووك نه‌ماوه، ده‌بێت شه‌رعییه‌ت بۆ كه‌ركوكییه‌كان بگه‌ڕێته‌وه.
له 16ـی ئۆكتۆبه‌ره‌وه باره‌گاكانمان و ماڵی خۆم و ته‌واوی به‌رپرسانی حزبه‌كه‌م داگیر كراون، تاڵان كراون له‌لایه‌ن میلیشیاكانی حه‌شدی شه‌عبی، تا باره‌گاكانی پارتی دیموكراتی كوردستان و باره‌گاكانی ئێمه‌ش نه‌گه‌ڕێته‌وه، شه‌رعییه‌ت بۆ كه‌ركووكییه‌كان نه‌گه‌ڕێته‌وه، میلیشیاكان و هێزه‌كانی سوپا له‌ناو كه‌ركووك نه‌ڕواته ده‌ره‌وه، دۆخ ئاسایی نابێته‌وه.
به‌شێوه‌یه‌كی دادپه‌روه‌رانه پاره‌كان بۆ كه‌ركووك دابین ده‌كرێت، به‌ڵام دابه‌ش ناكرێت بۆ پڕۆژه و خزمه‌تگوزاری گشتی له ته‌واوی كه‌ركووك و ده‌وروبه‌ری، پشكی شێری پاره بۆ ناوچه عه‌ره‌بییه‌كان و شاره‌دێ حه‌ویجه سوودمه‌ند بوون، ڕاكان و به‌رپرسانی تری ئیداری بۆ به‌رژه‌وه‌ندییه‌كانی خۆیان و تاكلایه‌نانه كار ده‌كه‌ن، بۆ نه‌ته‌وه و ده‌وروبه‌ریان كار ده‌كه‌ن.
