سهرۆكى حكوومهتى ههرێمى كوردستان، پێشوازیی لە سیاسەتکاری ناسراوی کورد عوسمان بایدەمیر كرد و جەختیان لە گرنگیی یەکڕیزی نێوان هێز و لایەنە کوردستانییەکان و خەباتی ئاشتیخوازانەی گەلی کورد کردهوه.
ئەمڕۆ پێنجشەممە 2021/2/25، مەسرور بارزانی، سەرۆکی حکوومەتی هەرێمی کوردستان پێشوازیی لە سیاسەتکاری ناسراوی کورد عوسمان بایدەمیر کرد، لە دیدارەکەدا جەخت لە گرنگیی یەکڕیزیی نێوان هێز و لایەنە کوردستانییەکان و خەباتی ئاشتیخوازانەی گەلی کورد لە پێناو پاراستنی مافە ڕەواکانیدا، کرا.
عوسمان بایدەمیر پشتیوانیی خۆی بۆ حکوومەتی هەرێمی کوردستان دەربڕی، کە جێی ئومێدی گەلی کوردە و پێویستە هەموو لایەنە کوردستانییەکان پشتیوانی بکەن.
سەرۆکی حکوومەتى ههرێمى كوردستان سوپاسی پشتیوانیی عوسمان بایدەمیری کرد، ههروهها لە خەبات و تێکۆشانیدا لەپێناو گەلی کوردستان، هیوای سەرکەوتنی بۆ خواست.