سهرههڵدانهوهی تیرۆرستانی داعش له سنووری کهرکووک و ناوچه دابراوهکان
ناصرمهلا حهکیم
له سهرهتای ساڵی (2021) چهکدارانی داعش دیسانهوه دهستیان کردهوه به جموجۆڵ به تایبهتی له سنووری پارێزگای (سهلاحهدین و دیاله و کهرکووک ) ، هۆیهکهشی دهگهرێتهوه بۆ نهبوونی شارهزایی سهربازی و نهبوونی سهربازی پێویست له و سنووره و هاوکاری نهکردنی خهڵک لهگهڵ سهربازان و حهشدی شهعبی ، لهبهر ئهوهی جموجۆڵی داعش له سنووری عهرهبی سوننهیه و هۆکارێکی تریش سهربازانی عێراق و حهشدی شهعبی لهو ناوچانه ئازاری خهڵکی سڤیل دهدهن و بۆیه خهڵکیش هاوکاریان ناکهن ، هۆکارێکی تردهگهرێتهوه بۆ ئهوهی که سهربازانی عێراقی لهو سنوورانهدا هاوکار نین لهگهڵ هێزی پێشمهرگه به تایبهتی له کهرکووک و خانهقین و سهلاحهدین و ناوچه دابراوهکان .
له دوای خیانهتهکهی (16) ی ئۆکتۆبهروکشانهوهی هێزی پێشمهرگه لهو سنوورانه ، داعش له زوربهی ناوچه دابراوهکان به ئاشکرا دهبینرێن وبه بێ ترس کردهوهی تیرۆرستی ئهنجام ئهدهن بهتایبهتی له سێ مانگی کۆتایی ساڵی (2020) و تا وهکوو ئێستاش زیاتر له (50) کهس له سهربازو حهشدی شهعبی و حهشدی عهشائیری و خهڵکی سڤیل کوژراون ، شایانی باسه زۆربهی کردهوه تیرۆریستیهکانیان له شێوهی پارتیزانی بووه و له ههندێک شوێنیش راستهوخۆ روبهروی سهربازان دهبنهوه .
له شارۆچکهی (رضوانییه) زیاتر له (12) سهربازو حهشدی شهعبی کوژراون و نزیکهی (30)کهسی تریش بریندار بوون . راگرتنی جموجۆڵ و کردهی ترۆرستی له لایهن داعش بۆ ماوهی (3) ساڵ که له کۆتایی ساڵی (2017) تاوهکوو سهرهتای ساڵی (2020) دهگهرێتهوه بۆ پهرتهوازهیی چهکدارانی داعش ، بهڵام له دوای دهست نیشان کردنی سهرۆکی تازهی داعش (ابراهیم القریشی ) جارێکی تر جموجۆڵی داعش له نێوان (عێراق و سوریا ) سهرههڵدهداتهوه و داعش به شێوهیهکی تۆکمه رێکخستنهکانی خۆیان دادهمهزرێننهوه وله بهرواری (22/11/2020) له کردهویهکی ترۆرستی دا بۆ سهر گوندی (السمک) که سهر به پارێزگای سهلاحهدینه (9) سهربازدهکوژرێن و (10) سهربازی تریش بریندار دهبن ، ههروهها له کردهیهکی ترۆرستی تردا له (23/11/2020) بۆ سهر لیوای (52) ی سوپای عێراق له ناوچهی باستهملی رۆژئاوای شارۆچکهی خورماتوو (6) سهربازی تر دهکوژرێن و (2) سهربازی تریش بریندار دهبن .
له لایهکی ترهوه ترۆرستان چهندین جار هێرشیان کردۆته سهر گوندی شوراو له سنووری (حهفتهغاری) باشووری قهزای داقووق و له شارۆچکهی گوڵاڵهش داعش به نیشانه شکێن هێرشیان کردۆته سهر سهربازگهی نهقشبهندی وچهند پۆلیسێک کوژراو و بریندار دهبن و پاشان له سێ لاوه هێرشیان کردۆته سهرسهربازگهکهی . له بهرواری( 13/11/2020) تیرۆرستانی داعش له نزیک گوندی علیوی سهعدی ناحیهی (ریاز)ی سهر به قهزای حهویجه هێرشیان کردۆته سهر فهوجی مغاویر و پۆلیسی فیدراڵی که دهبێته هۆی کوژرانی (2) کارمهند و برینداریشیان ههبووه. جێگای ئاماژه پێکردنه که داعش له سنووری مهخموور به ههموو شێوهیهک ههوڵ دهدات که ریزهکانی رێک بخاتهوه . له سهر زاری (نایتس والیکس المیدا) سهرۆکی راوێژکاری تایبهتی له دۆسیهی ئهمنی له پهیمانگای واشنتۆن رایان گهیاندوه که کردهوهی ترۆرستی داعش له (13%) زیادی کردووه به تایبهتی له سێ مانگی کۆتایی ساڵی (2020) زیاتر له (566)کردهوهی ئهنجام داوه .
له بهرواری (20/1/2021) له چیاکانی قهرهچوغ هێزی هاوپهیمانان له رێگای فرۆکهوه توانیان زیاتر له (7) تیرۆرستی داعش بکوژن .
له ناو شاری تکریت ، له بهرواری (21/1/2021) له بۆسهیهکی تیرۆرستانی داعش بۆ سهر هێزهکانی پۆلیس (2) پۆلیس کوژران ، له ناو شاری بهغدادیش له دوو کردهی تیرۆرستی دا (32) کوژراو و (110) برینداری لێ ئهکهوێتهوه .
له بهرواری (23/1/2021) وله بۆسهیهکی تیرۆرستانی داعش له سهر رێگای نێوان تکریت و بهغداد (11) سهربازی حهشدی شهعبی کوژران .
له بهرواری (19/2/2021) تیرۆرستانی داعش له گوندی (البومحمد) له قهزای داقوق هێرشیان کرده سهر هێزهکانی عێراقی و کوژراو و برینداری لێ ئهکهوێتهوه .
له بهرواری (19/2/2021) له ئۆپهراسیۆنێکی هاوبهشی پۆلیس و ههواڵگری عێراقی له گوندی (محمود عزیز) ی سهر به پارێزگای دیاله چهکدارێکی داعش خۆی ئهتهقێنێتهوه و یهکێکی تریش دهستگیر دهکرێت .
له بهرواری (21/2/2021) له سنووری دووزخورماتوو له گوندی (عبود) داعش پهلاماری خاڵێکی سوپای عێراقی ئهدات و ئهبێته هۆی کوژرانی (1) یهک سهرباز و برینداربوونی (30) سی سهربازی تر له هێزهکانی عێڕاقی .
تیرۆرستان ههوڵی شکاندنی بهندینخانهکان دهدهن بۆ ئهوهی لایهنگرانیان زیاد بکهن و ههروهها سوود لهو جێگایانه وهردهگرن که به هۆی شهرهوه خاپور بوون و بۆ پهره پێدانی خۆیان بهکاریان دههێنن . ههر چهنده ههرێمی کوردستان ماوهیهکه ههوڵی تهواو دهدات بۆدروست کردنی ههماههنگی تهواو له نێوان هێزی پێشمهرگهی کوردستان و سوپای عێراقی بۆ له ناوبردنی تیرۆرستانی داعش به تایبهتی له ناوچه دابراوهکان بهڵام سوپای عێراق وهکوو پێویست نین و هاوکار نابن، ههرچهنده ههرێمی کوردستان ئامادهیی خۆی دهربریووه بۆ هاوکاری سوپای عێراقی لهو ناوچانهدا .
نووسین وئاماده کردنی / ناصرمهلا حهکیم