قەزای پێنجوێن سەر بە پارێزگای سلێمانی هاوسنورە لەگەڵ دەوڵەتی ئێران، پەکەکە بوونیان لە پێنجوێن و دەوروبەری بەفراوانی هەیە، ئێسته داوا لە ژنانی ئەو قەزایە دەکات بڕۆنە قەندیل.
سەرچاوەیەکی تایبەت لە قەزای پێنجوێنەوە بە چرکەی ڕاگەیاند” چەکدارانی پەکەکە لە پێنجوێن دەستیان کردووە بە ڕۆشتن بۆماڵان و قسە کردن لەگەڵ ژناندا.
سەرچاوەکە دەڵێ:” کادیران و چەکدارانی پەکەکە لە سەردانیان بۆ ماڵەکان داوا لە ژنانی پێنجوێن دەکەن ماڵەکانیان بەجێ بهێڵن و ڕوو لە شاخ بکەن لە قەندیل و ببنە گەریلا.
سەرچاوەکە وتیشی” نیگەرانی زۆر لە لایەن خێزانی ئەو ژنانەی ڕۆشتونەتە ناو پەکەکە دروست بووە، لایەنی پێوەندیداریش ئامادەنین هیچ کارێک بکەن بۆ وەستاندنی ڕەفتارەکانی پەکەکە.