چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
یه‌كێتی له‌سه‌ر زه‌ویه‌كی ناوچه‌ی پیشه‌سازیی كه‌لار باره‌گایه‌ك دروست ده‌كات، ئه‌گه‌رچی پیشه‌وەران نیگه‌رانن له‌و هه‌نگاوه، شاره‌وانی ده‌ڵێ: تەنیا بۆ سه‌ندیكا و رێكخراو ئاساییه؛ بەر‌پرسێكی حزبه‌كه‌ش ده‌ڵێ: بۆ باره‌گای حزبه.
ژماره‌یه‌ك له پیشه‌وه‌ران و كاسبكارانی ناوچه‌ی پیشه‌سازیی كه‌لار، ڕایانگەیاند، شوێنی كاسبكاران و پیشه‌وه‌رانیش له سنووری شارۆكه‌ی كه‌لار ده‌كرێته باره‌گا، داگیركاری گه‌یشتووه‌ته نزیك ناوچه‌ی پیشه‌سازیی كه‌لار.
كه‌ریم ته‌نه‌كەچی، یه‌كێك له پیشه‌وه‌رانی ناوچه‌ی پیشه‌سازیی كه‌لار، ئاشكرا كرد، به كردنه‌وه‌ی باره‌گای حزب له شوێنی كه‌سابه‌ت نیگه‌رانن، به‌ڵام ناچارن بێ ده‌نگ بن.
