چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەرۆك وەزیرانی هەرێمی كوردستان رای گەیاند كە پشكی كوردستان لە بودجەی حكوومەتی فیدرالیی عێراق پاداشت نییە، بەڵكوو مافێكی خۆمانە و هێشتا دەرفەت ماوە ئەو ستەمە ڕاست بكرێتەوە كە لە پشكی هەرێمی كوردستاندا كراوە.
مەسرور بارزانی، سەرۆكی حكوومەتی هەرێمی كوردستان لە زنجیرە تویتێكدا رای گەیاند: ”پشکی کوردستان لە بودجەی حکوومەتی فیدراڵی پاداشت نییە، بەڵکوو مافێکی خۆمانە“.
ڕوونیشی كردەوە: “پێشتریش باسمان کردووە، پەیوەندی ھەولێر و بەغدا پێویستە لەسەر بنەمای داننان بە ماف و ئەرکی ھەر لایەک بێت بەپێی دەستور“.
سەرۆكی حكوومەتی هەرێمی كوردستان جەختی كردۆتەوە كە ”ئەو پێشھاتە مەترسیدارە پێویستە بە زووترین کات ڕاست بکرێتەوە. ھێشتاش دەرفەت ماوە بۆ ڕاستکردنەوەی ئەو ستەمەی ئەنجام درا“.
ئەمە لە كاتێكدایە كە بەرەبەیانی رۆژی پێنجشەممەی رابردوو، شۆڤێنییەكانی پەرلەمانی عێراق بەبێ ڕەچاوكردنی ویستی نوێنەرانی كورد، پڕۆژەیاسای كورتهێنانی دارایی عێراقیان تێپەڕاند و لە ئەنجامیشدا ٣٢٠ ملیار دینارەكەی فەرمانبەرانی هەرێمی كوردستانیان بڕی.
