چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مه‌سرور بارزانی سه‌رۆكی حكوومه‌تی هه‌رێمی كوردستان لە پەرلەمانی كوردستان رایگه‌یاند: هه‌موو لایه‌نه به‌شداربووه‌كانی حكومه‌ت پێكه‌وه بڕیار ده‌ده‌ین، له فه‌رمانگه‌كانی حكوومه‌ت ئاسه‌واری دوو ئیداره‌یی نه‌ماوه.
له وه‌ڵامی پرسیارێكدا سه‌باره‌ت به ره‌وشی هه‌رێمی كوردستان و سڕینه‌وه‌ی ئاسه‌واره‌كانی دوو ئیداره‌یی مه‌سرور بارزانی سه‌رۆكی حكومه‌تی هه‌رێمی كوردستان رایگه‌یاند، ئێمه په‌رۆشی ئه‌وه‌ین كه ئه‌و ئاسه‌واره نه‌مێنێت، گوتیشی، نامانه‌وێت هه‌نگاوی به‌په‌له بهاوێژین كه كاریگه‌ری خراپی هه‌بێت و له كاتێكی زوودا ئه‌وه‌ی پێویست بێت ده‌یكه‌ین بۆ ئه‌وه‌ی ئه‌و ئاسه‌واره نه‌مێنێت.
سه‌رۆكی حكومه‌ت جه‌ختی له‌سه‌ر ئه‌وه‌ش كرده‌وه، كه له ئێستادا له فه‌رمانگه‌كانی حكومه‌ت هیچ جۆره ئاسه‌وارێكی دوو ئیداره‌یی نه‌ماوه و هه‌موو لایه‌نه به‌شداربووه‌كانی حكومه‌ت پێكه‌وه بڕیار ده‌ده‌ین.
