پرسه‌نامه‌ی‌ مه‌سروور بارزانی‌ بۆ كۆچی‌ دوایی زاهیر عه‌بدوڵا

ئەمڕۆ شەممە 23ی 11ی 2024، مەسرور بارزانی، سەرۆكی حكوومەتی هەرێمی كوردستان پرسەنامەیەكی سەرەخۆشی ئاڕاستەی خێزان و كەسوكاری هونەرمەندی دیاری بواری شانۆ و دراما زاهیر عەبدوڵا كرد.

ئەمە دەقی پرسەنامەكەی سەرۆكی حكوومەتی هەرێمی كوردستانە..

پرسە و سەرەخۆشیی قووڵی خۆم ئاراستەی بنەماڵە و کەسوکاری هونەرمەندی ناسراوی کوردستان زاهیر عەبدوڵلا دەکەم، کە هونەرمەندێکی نیشتمانپەروەر بوو و خزمەتێکی زۆری هونەری شانۆ و سینەمای کوردی کردووە و کەسایەتییەکی هونەریی دیاری شاری هەولێریش بوو. خواى مه‌زن گيانی بە بەهەشت شاد بكات و ئارامى و دڵنه‌وايیش بە بنەماڵەکەی ببەخشێت.