چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئامانج عەبدوڵا سوور، نووسەر و ڕۆژنامەنووسی سلێمانی ڕاگەیاند: ئەمانە لەبەر بەرژەوەندیی تەسکی خۆیان، ھەر ڕۆژەی لەسەر پەتێک یارییان کردووە، ھەولێری پایتەختی کوردستان، بۆیە بە قسەی کەسانێک، کە هیچ شکۆیان نییە، شكۆی ھەولێری پایتەختی کوردستان لەکەدار نابێت.
گوتیشی: ”ئەو کەسانەی لە سیاسەتدا بەشوێن بەرژەوەندیی تایبەتی خۆیانەوەن، یان خواستی خۆیان لەسەر بەرژەوەندیی ساغ دەکەنەوە، کەسانێکن خاوەنی پرنسیپی ئەخلاقیی سیاسی نەبوون و نابن، لەناویاندا فەرھاد سەنگاوی نموونەیەکی دیار و زەقە، چونکە ھەمیشە بەدوای بەرژەوەندیی خۆیەوە بووە، ھەر ڕۆژەی بە دەنگێکی گڕی ناخۆشەوە گۆرانی بە باڵای لایەنێکی سیاسییدا دەڵێت.
فەرھاد سەنگاوی، لەپێناو چنینەوەی بەرژەوەندییەکانی خۆی، بەلایەوە ئاساییە ھەر ڕۆژەی ناسنامەی حزبێکی سیاسی لە گیرفاندا بێت، ئێستا فەرھاد سەنگاوی بە باڵای پەکەکەدا ھەڵدەڵێت، بەرژەوەندیی خۆی لەوێ دۆزیوەتەوە، بۆیە من پێی دەڵێم: بەم دەنگە ناخۆش و ناقۆڵایەتەوە واز لە نەڕەنەڕ بێنە، ئەگەر ئازایت و دڵسۆزی پەكەكەیت بڕۆ بۆ قەندیل و چەك هەڵگرە.
