نوێترین هەواڵ
سەرەتا / کوردستان / مەسرور بارزانی پێشانگەی هایتێکسی لە هەولێر کردەوە

مەسرور بارزانی پێشانگەی هایتێکسی لە هەولێر کردەوە


ئەمڕۆ سێشەممە 6/6/2023، مەسرور بارزانی سەرۆکی حکومەتی هەرێمی کوردستان، پێشانگەی هایتێکسی لە هەولێر کردەوە.

ئەمە چوارەم جارە پێشانگەی هایتێکس لە هەولێر دەکرێتەوە، بۆ ئەمساڵ 121 کۆمپانیا لە 20 وڵات جیاواز بەشداریان کردووە و لە چوار بەشی سەرەکی پێکهاتووە ئەوانیش پێشانگە، کۆنفرانس، ئەستێرەکانی داهاتوو و گۆشەی کاریگەر.

 هایتێکس چالاکییەکی تەکنەلۆژیایە و تێیدا نوێترین و دوایین داهێنانە تەکنەلۆژییەکان نمایش دەکرێن، رێکخەرانی پێشانگەکەش خۆشحاڵن بە بەشداریکردنی حکومەت و سەرۆکی حکومەت لە هایتێکس.

رابەر کەریم، بەرپرسی بەشی فرۆشتن و رێکخەری پێشانگەی هایتێکس بە کوردستان24ـی راگەیاند، هاتێکسی ئەمساڵ دەربارەی بە دیجیتاڵکردنی عێراق و هەرێمی کوردستانە، زۆربەی ئەو کۆمپانیایەی بەشداری پێشانگەکە دەکەن دەیانەوێت پیشانی ژینگە و بازاڕ و حکومەتی بدەن، کە ئامادەن وەک سەرچاوەیەکی تەکنەلۆژی سەیر بکرێن، تاوەکو حکومەت زیاتر پشت بە کۆمپانیا نێوخۆییەکان ببەستێت لە بواری بە دیجیتاڵکردنی خزمەتگوزارییەکان.

گوتیشی: “ئامادەبوونی سەرۆکی حکومەتی هەرێمی کوردستان پاڵپشتییەکی زۆر گەورەیە و جددییەتی حکومەت پیشان دەدات لە بابەتەکەدا، هەروەها وادەکات کۆمپانیا بیانییەکان نەترسن لەوەی بێنە هەرێمی کوردستان.

بەپەلە

مەسرور بارزانی فەرمان بۆ تەرخانكردنی گوژمەی پێویست بۆ پڕۆژەی ماستەرپلانی هەڵەبجە دەردەكات

ئەمڕۆ پێنجشەممە 28/3/2024، ساسان عەونی، وەزیری شارەوانی و گەشتوگوزاری حكوومەتی هەرێمی کوردستان ڕایگەیاند: “مەسرور بارزانی، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *