چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
د. سامان بەرزنجی، وەزیری تەندروستیی هەرێمی کوردستان رایگەیاند، لە نزیکترین پلانماندا، بەهۆی زۆری ژمارەی تووشبووانی ڤایرۆسی کۆرۆنا، ناچاردەبین هۆتێلەکان لەجیاتی نەخۆشانە بەکاربهێنین. لە هەرێمی کوردستان ژمارەی تووشبووانی کۆرۆنا لە بەرزبوونەوەدایە، وەزیری تەندروستیش هۆشداریی دەدات و رایدەگەیێنێت، ئەگەر هاونیشتمانییان پابەندی رێنماییەکان نەبن دۆخەکە بەرەو خراپتر دەڕوات. تەنیا رۆژی شەممە 30-05-2020 لە هەرێمی کوردستان 31 کەس تووشی کۆرۆنا بوون و یەکێکیشیان کە هاووڵاتییەکی تەمەن 37 ساڵ بوو گیانی لەدەستدا. ئەمڕۆ تاوەکو ئێستا دوو کەس لە دهۆک تووشی کۆرۆنا بوون و پێشبینی دەکرێت لە پارێزگاکانی دیکەش تووشبووی نوێ رابگەیێندرێت. ژمارەی تووشبووانی کۆرۆنا لە هەرێمی کوردستان گەیشتووەتە 608 تووشبوو و لەو ژمارەیەش 420 کەس چاکبوونەتەوە و شەش کەسیش گیانیان لەدەستداوە.
