چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
وەزیری سامانە سروشتییەکان بە وەکالەت سەرپەرشتی کۆبوونەوەیەکی وەزارەتەكەی کرد و بەمەبەستی دابینکردنی نەوتی سپییش بۆ ماڵان، گفتوگۆ لەسەر چەند پێشنیاز و بۆچوونێک کرا.
وەزارەتی سامانە سروشتییەکان بڵاوی كردەوە ئەمڕۆ بە مەبەستی دۆزینەوەی میکانیزمێکی گونجاو بۆ دابینکردنی نەوتی سپی بۆ ماڵان و بەنزین و پاراستنی کێڵگە نەوتییەکان و بەرزکردنەوەی ئاستی بەرهەمهێنانی نەوت، کەمال محەمەد ساڵح وەزیری سامانە سروشتییەکان بە وەکالەت سەرپەرشتی کۆبوونەوەیەکی وەزارەتی کرد.
لە كۆبوونەوەكەدا بۆ دابینکردنی نەوتی سپی بۆ ماڵان، گفتوگۆ لەسەر چەند پێشنیاز و بۆچوونێک کرا.
وەزیری سامانە سروشتییەکان پێداگری لەسەر کوالێتی بەنزین کردەوە و داوای کرد ئەو کەسانەی دەستکاری کوالێتی بەنزین دەکەن و بەنزینی خراپ بە خەڵک دەفرۆشن، ڕێوشوێنی یاساییان بەرامبەر بگیرێتە بەر.