چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەپێی ماڵپەری”سکای نیوزی عەرەبی”، کاتژمێری بایەلۆجی کۆمەڵێک ئیشی لەخۆگرتووە وەک پلەی گەرمی جەستە، هەستی برسییەتی و کۆمەڵێکیتر، چوار خووی رۆژانە کاری تێدەکەن، کە ئەمانەن:
١. کات بەسەرنەبردن لە کەشوهەواڵی پاک:
کات بەسەربردن لە کەشووهەوای پاکدا پەیوەندی بە کەمردنەوەی سترێس و باشترکردنی باری دەروونییەوە هەیە، بۆیە پێشنیار دەکرێت رۆژانە دوو کاتژمێر لە هەوای پاکدا بەسەربەریت.
٢. رووناکی خراپ:
رووناکییە دەستکردەکان کە گەرم دەبن لە ماڵدا، بە یەکێک لە دوژمنەکانی کاتژمێری بایەلۆجی دادەنرێت، بۆیە باشتر پێش خەوتن بیانکوژێنیتەوە.
٣. خواردنی زۆر بەدرێژایی رۆژەکە:
هەندێک کەس لەبری پابەندبوون بە ژەمە سەرەکییەکانەوە، خواردنی زۆر دەخۆن ، ئەوە مەترسیدارە چونکە پابەندبوون بە کاتی تایبەتی خواردنەوە یارمەتی جەستە دەدات کە خواردنەکان هەزم بکات و مادە خۆراکییەکان بمژێت، خواردنی زیادە دەبێتە هۆی تێکدانی کاتژمێری بایەلۆجی جەستە.
٤. کەم جووڵەیی:
چەند جوڵەیەکی سادەی رۆژانە، یارمەتی کاتژمێری بایەلۆجی دەدات، بەڵام نابێت نزیکی خەوتن ئەو چالاکییەکانە ئەنجام بدەیت و باشترە لە بەیانیاندا بێت.
