بەرپرسی راگەیاندنی لقی17ی پارتی دیموکراتی کوردستان رایگەیاند ئەمڕۆ هەینی تەرمی کادیرێکی حزبەکەی لە شنگال دۆزراوەتەوە کە لەلایەن چەکدارانی پەکەکەوە بە گوللە کوژراوە.
ئیدریس زۆزانی، راگەیاند: “کادیرێکی پارتی دیموکراتی کوردستان بە ناوی ئەحمەد حوسێن لە ئێوارەی رۆژی پێنجشەممە ٦ی١ی٢٠٢٢ لە شنگال لەلایەن چەکدارانی پەکەکەوە رفێندرا و بێسەروشوێن بوو، بەرەبەیانی ئەمڕۆ هەینی تەرمەکەی لە شنگال دۆزرایەوە”.
ئاماژەی بە ئەوەش دا کە ئەو کادیرەی پارتی خەڵکی خانەسۆری سەر بە قەزای شنگالە و بە سەردانێک چووەتە قەزای شنگال و پاشان لەلایەن چەکدارانی پەکەکەوە رفێندراوە و کوژراوە