چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەڕێوەبەرایەتی ئاسایشی هەولێر لە راگەیەندراوێکدا دەستگیرکردنی بکوژی ئەو هاووڵاتییەی راگەیاند، کە دوێنێ لە گەڕەکی سێتاقانی هەولێر کوژرا.
دەقی راگەیەندراوی ئاسایشی هەولێر:.
دوێنی20/11/2021 تاوانێکی کوشتن لە گەڕەکی سێتاقان-ی شاری هەولێر ڕوویداو هاووڵاتی(شاخەوان جاسم سالم)بە چەقۆ کوژرا و تاوانبار ڕای کرد.
دوای بەدواداچوون لەلایەن تیمەکانی بەرێوەبەرایەتیمان، دوای کاتژمێرێک توانرا تاوانبار(شوان سەلمان عبدالرحیم/1985) لە سنوری بنکەی ئاسایشی کەورگۆسک دەستگیر بکرێت و رێوشوێنی یاسایی بەرامبەری دەگیرێتەبەر بۆ وەرگرتنی سزای یاسایی خۆی.
جارێکی تر هاووڵاتییان دڵنیا دەکەینەوە هەردەم ئامادەین بۆ پاراستنی سەروماڵیان.
ڕاگەیاندنی بەڕێوەبەرایەتی ئاسایشی هەولێر
