هەندێک لە پیاوان لە کاتی پەیوەندیی سێکسی، یاخود جووتبوون لەگەڵ هاوسەرەکانیان، تووشی هەڵە دەبن و ئەو هەڵانە کاریگەریی نەرێنی لەسەر دروونی خانمان دروست دەکات و تا ڕادەیەک خانمان لە جووتبوون دەترسن و لە پەیوەندیگرتن سارد دەبنەوە.
شارەزایان له پێگەی فەرمیی (زانیاری بۆ هاوسەران) هەندێک لەو هەڵسوکەوتە هەڵانە ئاشکرا دەکەن، بۆ نموونە، هۆشداری دەدەنە پیاوان، لە کاتی جووتبوون توندوتیژ نەبن، هەروەها پێویستە پیاوان هاوسەرەکانیان لەگەڵ ئەکتەری فیلمە پۆڕنەکان بەراورد نەکەن و جەختیش دەکەنەوە، یەکێکی تر لەو بابەتانەی خانمان لە جووتبوون سارد دەکاتەوە، گرنگیی نەدانی پیاوە بە لایەنی سۆزداریی خانمان.
هەروەها بە ئۆرگازم نەگەیشتنی خانمان (نەگەیشتن بە لوتکەی چێژ ) یەکێکی دیکەیە لەو بابەتە هەرە گرنگانەی خانمان لە پەیوەندیی سێکسی بێزار دەکات.