نوێترین هەواڵ
سەرەتا / جیهان / ئه‌مریكا به‌ پشتیوانی ده‌وڵه‌تێكی عه‌ره‌بی سزا به‌سه‌ر حزبوڵڵای لوبنانی ده‌سه‌پێنێت

ئه‌مریكا به‌ پشتیوانی ده‌وڵه‌تێكی عه‌ره‌بی سزا به‌سه‌ر حزبوڵڵای لوبنانی ده‌سه‌پێنێت

ئەمریکا و قەتەر بە هاوبەشی سزایان بەسەر تۆڕێکی پاڵپشتیی دارایی حیزبوڵلای لوبناندا سەپاند. ئەمەش لەکاتێکدایە کە قەتەر پەیوەندییەکی تاڕادەیەک دۆستانەی لەگەڵ ئێراندا هەیە.

وەزارەتی گەنجینەی ئەمریکا رایگەیاند کە سزایان بەسەر 7 کەسدا سەپاندووە، دوو لەو کەسانە هاوڵاتی قەتەرین بە ناوی عەلی ئەلبەنای و عەلی لاری . بەگوێرەی وەزارەتی گەنجینەی ئەمریکا ئەو 7 کەسە بە دەیان ملیۆن دۆلاریان بۆ حیزبوڵڵای لوبنان ناردووە، کە لەلایەن ئێرانەوە پاڵپشتی دەکرێت.

هاوکات، ئەنتۆنی بلینکن، وەزیری دەرەوەی ئەمریکا رایگەیاند حیزبوڵلا “تۆڕی دارایی جیهانی و کۆمپانیای وەهمی بۆ پاڵپشتیکردنی کارە قێزەونەکانی بەکاردێنێت” و هەماهەنگیی قەتەری لەم هەنگاوەی ئەمریکادا بەرز نرخاند.

بلینکن ئەمەی بە یەکێک لە کارە هاوبەشە هەرە گرنگەکانی نێوان ئەمریکا و قەتەر باسکرد کە تاوەکو ئێستا لەگەڵ هاوبەشێکی ئەنجوومەنی هاوکاریی کەنداو کرابێت و گوتی “ئەمە دووپاتی هەماهەنگی فراوانی دوولایەنەی نێوانمان دەکاتەوە بۆ رووبەڕووبوونەوەی سەرچاوە داراییەکانی تیرۆر.”

بە وێرەی وەزارەتی گەنجینەی ئەمریکا، ئەمە لەکاتێکدایە پێشتر بەحرێن هەنگاوێکی هاوشێوەی نا و هەژمارە بانکییەکانی برازایەکی ئەلبەنای لەو وڵاتە سڕکرد و بڕیارە سێ کەس لەسەر ئەم بابەتە دادگایی بکات.

بەپەلە

فەرمانی دەستگیرکردن بۆ کەسێکی نزیک لە ئێران لە نەجەف دەرچوو

داگای تاوانەکانی شاری نەجەف بە نوسراو فەرمانی دەستگیرکردنی بۆ “حەمید حسێنی” کەسێکی ئاینی نزیک لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *