نوێترین هەواڵ
سەرەتا / جیهان / تاڵیبان هونەرمەندێکی گولەباران کرد

تاڵیبان هونەرمەندێکی گولەباران کرد

چەکدارانی تاڵیبان لە ویلایەتی بەغلانی ئەفغانستان هونەرمەندێکی گۆرانیبێژیان گولەباران کرد.

بەپێی هەواڵێکی ئاژانسی سپۆتنیکی رووسی، چەکدارانی تاڵیبان لە ویلایەتی بەغلان هەڵیانکوتاوەتە سەر ماڵی هونەرمەندی گۆرانیبێژ فوئاد ئەندەرابی و دوای ئەوەی لە ماڵەکەی بردوویانەتەدەرەوە گولەبارانیان کردوە.
لای خۆیەوە مەسعود ئەندەرابی وەزیری پێشووی ناوخۆی ئەفغانستان و کوڕێکی ئەو هونەرمەندە هەواڵەکەیان پشتڕاست کردوەتەوە.
سەرکردەکانی تاڵیبان لە ماوەی رابردوودا و دوای دەستبەسەرداگرتنەوەی ئەفغانستان بەردەوام باسیان لەوە دەکرد کە گۆڕانکاریان بەسەردا هاتووە و بە شێوەی توندوتیژ و داخراو مامەڵە ناکەن.
سەرباری ئەوەش لە رۆژانی رابردوودا زەبیحوڵا موجاهید وتەبێژی تاڵیبان رایگەیاندبوو، هەڵوێستیان بەرامبەر بە مۆسیقا نەگۆڕاوە و لەوانەیە قەدەغەی بکەن، چونکە لە ئایینی ئیسلامدا حەرامە.
لە نێوان ساڵانی 1996 بۆ 2001 تاڵیبان مۆسیقای قەدەغەکردبوو، هەر لەو ساڵانەدا بە توندترین شێوە مامەڵەی لەگەڵ هونەرمەندان و ئەو کەسانەشدا کردبوو کە گوێیان لە مۆسیقا و گۆرانی گرتبوو.

بەپەلە

بەپەلە.. ماکرۆن لە داڤۆس کۆبونەوەی گرنگمان لەگەڵ مەسرور بارزانی هەبووە پشتیوانی حکومەتی هەرێمین

ئیمانوێل ماکرۆن: پشتگیری حکومەتی هەرێمی کوردستان دەکەین و بەردەوام دەبین لە هاوکاری کردنی پێشمەرگە ئەمڕۆ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *