چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
دوای ئەوەی لەتۆڕە کۆمەڵایەتییەکان وێنەی هێمایەکی هاتووچۆ بڵاوکرایەوە کە ئاماژە بە ئاڕاستەی بەرەو هەولێر دەكات بەڵام بەهەردوو زمانی کوردی و عەرەبی ئاڕاستەکان هاوشێوە نین، هاتووچۆی هەولێر رایدەگەیەنێت، ئەم هێمایە لەشاری کەرکوک دانراوە و ئەوان بەرپرسیار نین لەو هەڵەیە.
بەڕێوەبەرایەتی هاتووچۆی پارێزگای هەولێر لە ڕوونكردنەوەیەكدا باسی لەوەشکردوە، چەند ڕۆژێكە لە تۆڕە كۆمەڵایەتییەكان وێنەی هێمایەكی هاتووچۆ بڵاوكراوەتەوە كەئاماژە بۆ ئاڕاستە بەرەو هەولێر دەكات و وانیشاندراوە كەئەمە هەولێرە، ئێمە بۆ هەموو لایەكی ڕووندەكەینەوە كە ئەو شوێنە هەولێر نییە.
ئاماژە بەوەشکراوە، ئەو شوێنەی ئەو هێمایەی تێدا دانراوە لەشاری كەركوكە و بە ئاڕاستەی هەولێرە، “بۆیە ئێمە لە هەڵە و شێوازی دانانی هێمایەكە بەرپرسیار نین”.
