چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مەسرور بارزانی، سەرۆکی حکومەت هەرێمی کوردستان لە تویتێکدا پێشوازیی لە ئیدانەکردنی هێرشەکەی هەولێری لە لایەن ”هاوڕێیان و هاوبەشانی هەرێمی کوردستان” کرد.
سەرۆکی حکومەت لە تویتێکدا رایگەیاندووە، پێشوازی لە هەڵوێستی دۆست و هاوبەشانی عێراق و هەرێمی کوردستان دەکەم کە بە کۆی دەنگ سەرکۆنەی هێرشی ئەم دواییەی هەولێریان کرد.
مەسرور بارزانی راشیگەیاندووە، ئێمە ئامانجێکی هاوبەشمان هەیە کە پاراستنی سەقامگیریی و ئاسایشی هەموو خەڵکی عێراق و سەرکەوتنە لە شەڕی دژ بە داعش.
ئەم راگەیەندراوەی سەرۆک وەزیران لە دوای ئەوە هات، ئەمەریکا، بەریتانیا، فەرەنسا، ئەڵمانیا و ئیتاڵیا پێکڕا راگەیەندراوێکی هاوبەشیان لەبارەی هێرشەکەی سەر هەولێر بڵاوکردەوە و بە تووندی ئیدانەیان کرد.
