نوێترین هەواڵ
سەرەتا / عێراق / به‌په‌له‌: ئیداره‌ی پارێزگای موسڵ حكوومه‌تی عێراق جدی نییه‌ له‌ ده‌ركردنی په‌كه‌كه‌

به‌په‌له‌: ئیداره‌ی پارێزگای موسڵ حكوومه‌تی عێراق جدی نییه‌ له‌ ده‌ركردنی په‌كه‌كه‌

جێگری پارێزگاری مووسڵ رایدەگەیەنێت، تا ئێستا پەكەكە و ھێزە ناشەرعییەكان لە شنگال ماون و دەرنەچوون، چونكە حكوومەتی عێراق جیددی نییە لە دەركردنی ئەو ھێزانە.
رەفعەت سمۆ، ڕایگه‌یاند: ئەو مۆڵەتەی حكوومەتی عێراق دابوویە پەكەكە و ھێزە ناشەرعییەكان بۆ دەرچوونیان لە شنگال، جێبەجێ نەكرا و مۆڵەتەكەش تەواو بوو، بەڵام بۆ ئەوەی پەكەكە و ھێزە ناشەرعیەكان دەربكرێن، پێویستە حكوومەتی عێراق جیددی بێت و بڕیارێكی یەكلاكەرەوە بدات.
سمۆ گوتیشی، چەندین ھێز لە شنگال ھەن، كە ناشەرعین و دۆخی شنگالیش زۆر خراپە و پێویستە ھەرچۆنێك بێت حكوومەتی عێراق بڕیارێك بدات و ئەو ھێزانە لە شنگال دەربكات، چونكە ناكرێت دۆخەكە بەو شێوەیە بەردەوام بێت.
جێگری پارێزگاری مووسڵ باسی لەوەش كرد، تا ئێستا ھێزە ناشەرعییەكان ئامادە نین شنگال چۆڵ بكەن و بە ناوی خەڵكی شنگالەوە قسە دەكەن، كە خەڵكی شنگالیش پشتگیرییان ناكات و داوای دەرچوونیان دەكات، بۆیە پێویستە حكوومەتی عێراق ئەوە لە بەرچاو بگرێت و دەریان بكات و چیتر رێگە نەدات لە شنگال بمێننەوە و دۆخی ناوچەكە ئاسایی بكرێتەوە.

بەپەلە

ئەگەر هێزە بیانییەكان ڕێككەوتن بشكێنن دوورنییە هێزی سەربازی لە دژیان بجوڵێنم

ڕێبەری ڕەوتی سەدر ڕایدەگەیەنێت، پێویستە حكومەتی عێراق ئەم هەشت خاڵە جێبەجێ بكات، لە بارەی مانەوەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *