چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
لە دووای کۆنگرەی چواری یەکێتی نیشتیمانی کوردستان، ئەنجوومەنی سەرکردایەتی و مەکتەبی سیاسی و دەستەی کارگێڕی و ئەنجوومەنی باڵای سیاسی و بەرژەوەندییەکانی ئەو حزبە پێک هێندران بەڵام نەیان توانیوە یەک کۆبونەوەی هاوبەش بکەن.
دۆخی خەراپی ناوخۆی یەکێتی و نەبوونی پێڕەوی ناوخۆی دیاری نەکردنی دەسەڵاتەکان، وای کردووە ئەو حزبە فرە کوێخایی بێت.
چاودێرانی سیاسی دەڵێن: دۆخی ناوخۆی یەکێتی لە قۆناخێکی مەترسیدایە، لە پێش کۆنگرە،کوتلە و دەستەگەری زیاتر بووە هەمووکەس دەسەڵاتی هەیە و هیچ کامیشیان دەسەڵاتیان نییە و کەس خەتی کەس ناخوێنێتەوە.
چاودێران دەڵێن: بوونی ئەنجوومەنێکی قەرەباڵخی سەرکردایەتی و مەکتەب سیاسی و دەستەی کارگێڕی و ئەنجوومەنی باڵا و هاوسەرۆکان، کەس نەزانێت بڕیار لای کام دەزگایە کێ بڕیار دەردەکات و کێ جێبەجێ کارە.
چاودێران زیاتردەڵێن: ئێستە هیچ ئۆڕگانێکی یەکێتی ناتوانێت بەیەکەوە کۆببنەوە، ئەوەش وای کردووە دۆخی ناوخۆی ئەو حزبە زیاتر پشێوی پێوەدیاربێت.
