گۆرانیبێژی ناسراوی تورك، ئیبراهیم تاتلیسێس، كە لە چەند مانگی رابردو لە پرۆگرامی “ئیبۆ شۆو” دوای 9 ساڵ دەركەوتەوە، پەیوەندی لەگەڵ كچێك هەیە بەناوی گوڵچین كاراكایا كە تەمەنی 24 ساڵە، ژیانی هاوسەرگیری پێكدەهێنن.
بەپێی هەواڵێكی sabah، ئیبراهیم تاتلیسێس-ی تەمەن 68 ساڵ بڕیاری هاوسەرگیری داوە لەگەڵ خۆشەویستەكەی كە 43 ساڵ لە خۆی منداڵترە، تەنانەت داوای هاوسەرگیری لێبكردوە و گۆڵچین رازیبوە بە داواكارییەی، هەربۆیە خۆیان ئامادە دەكەن بۆئەوەی ژیانی هاوسەرگیری پێكبهێنن.
پێشتر ئیبراهیم تاتلیسێس لە پرۆگرامێكی تەلەفزیۆنی ئاشكرایكرد كە پەیوەندی خۆشەویستی لەگەڵ ئەو خانمە گەنجە هەیە و تەنانەت پەیوەندییەكی باشی لەگەڵ خێزان و منداڵەكانی ئیبراهیم تاتلیسێس هەیە.
تاتلیساس كە پێشتر دەیوت، “من ناتوانم بە بێ ژن بژیم”، چەندین خۆشەویست و هاوژینی هەبو، خاوەنی حەوت منداڵ و نۆ نەوەیە.