چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
لە ناوەڕاستی ئەم مانگە کۆمەڵی ئیسلامی کۆنگرە دەبەستێت چاودێران پێیان وایە گۆڕانکاری جەوهەری لە کۆنگرەی کۆمەڵ روونادات.
بەپێی زانیاریەکان، ئێستا کۆمەڵی ئیسلامی کە کۆنگرە دەبەستێت، لەناوخۆیدا دووچاری کۆمەڵێک گرفت و ئاستەنگ بووەتەوە، کە هەندێ لە ئەندامانی سەرکردایەتی پێیانوایە کۆنگرە کێشەکانی حزب ئاڵۆزتر دەکات و هەندێکی دیکەشیان پێیانوایە چارەسەر دەبن.
هەر بەپێی زانیاریەکان، کێشەی سەرەکی ئێستای کۆمەڵی ئیسلامی پەیوەندی بە شارچیەتی و پەراوێزخستنی مەڵبەندی هەولێرەوە هەیە.
وابڕیارە کۆمەڵی ئیسلامیی کوردستان 18ـی ئەم مانگە کۆنگرەی چوارەمی خۆی لە تاسڵوجە پێشانگای نێودەوڵەتی سلێمانی ببەستێت و 19ـی مانگ کۆتا رۆژی کۆنگرەکە بێت.
سۆران سێوکانی، توێژەری ئیسلامی سیاسی، بۆ ڕای گەیاندووە، ئەوان پێیانوانیە گۆڕانکاری جەوهەری لە کۆنگرەی کۆمەڵدا ڕووبدات، گووتیشی “ئەمیری کۆمەڵ هەر وەكو خۆی دەمێنێتەوە و ناو شێوازی کارکردنیان هەر وەكو خۆی دەبێت و دەشێت هەندێک لەئەندامانی سەرکردایەتی گۆڕانی بەسەردا بێت، ئەوە کۆنگرەی کۆمەڵی ئیسلامی دەبێت.
دەڵێ، بەشێک لە ئەندامانی سەرکردایەتی و قاعیدەی کۆمەڵی ئیسلامی لەگەڵ ئەوەدانین مامۆستا عەلی باپیر و کەسانی نزیک لەو ببنەوە بە ئەمیر و سەرکردایەتی کۆمەڵی ئیسلامی کۆنتڕۆڵ بکەنەوە.
