چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەندامێكی پەرلەمانی كوردستان ڕای دەگەیەنێت، ئێستە گرووپی 16ـی ئۆكتۆبەر بۆ زیاتر ماندووكردنی خەڵكی هەرێمی كوردستان، ئەو هەنگاوەیان دەست پێ كردووە و ڕۆژانە چەندان بابەتی بێ بنەما بڵاو دەكەنەوە.
سەعید هەركی ئەندامی پەرلەمانی كوردستان، ڕاگەیاند، گرووپی 16ـی ئۆكتۆبەر و خیانەتكاران ئەو كارەی ئێستە دەستیان پێ كردووە، زیاتر بۆ ماندووكردنی خەڵكی هەرێمی كوردستانە، چونكە شەڕی دەروونی لەگەڵ هاووڵاتییان دەكەن.
زیاتر گوتی، بەپێی یاسا ئەو بانگەشەیەی لەلایەن خاكفرۆشان دەكرێت كە سلێمانی ڕاستەوخۆ ڕێككەوتن لەگەڵ بەغدا دەكەن، دوورە لەكاری یاسایی و هیچ بنەمایەكی یاسایی نییە، ناكرێ لە دەرەوەی یاسا و پێوەرە نێودەوڵەتییەكانیش ئەو ڕێككەوتنە بكرێت.
ڕوونی كردەوە، تەنیا ڕێیەك هەیە بۆ ئەو جۆرە ڕێككەوتنەی خیانەتكاران، ئەویش هاوشێوەی كەركووك سلێمانیش ڕادەستی بەغدا بكەن و خیانەتێكی تریش تۆمار بكەن.
ماوەیەكە میدیاكانی 16ـی ئۆكتۆبەر و خیانەتكاران هەڵمەتێكیان دەست پێ كردووە ئەگەر هەولێر و بەغدا نەگەنە ڕێككەوتن، ئەوا ڕاستەوخۆ ڕێككەوتنی سلێمانی و بەغدا دەكرێت، ئەوەیش هیچ بنەمایەكی نییە و بۆ ماندووكردنی زیاتری خەڵكە.
