بەپەلە:مەترسیەکانی حەشدی کوردی ئاشکرا بوو

كاردانه‌وه‌كان له‌دژی دروستكردنی حه‌شدی جاشی كوردی له‌سه‌ر ئاستی كوردستان له‌لایه‌ن په‌رله‌مانتار و به‌رپرسانی حزبی و رێكخراوه‌كانه‌وه‌ به‌رده‌وامه‌ و ئه‌و كاره‌ سه‌ركۆنه‌ ده‌كرێ‌. هاوكات وه‌زاره‌تی‌ ناوخۆی‌ حكوومه‌تی‌ هه‌رێمی‌ كوردستان بۆ به‌دواداچوون له‌سه‌ر ئه‌و چه‌كدارانه‌ ئێسته‌ له‌گه‌ڵ حه‌شدی‌ شه‌عبی‌ له‌پێوه‌نیدیدایه‌.

شوان زرار ئه‌ندامی په‌له‌مانی كوردستان له‌ پشكی پارتی دیموكراتی كوردستان، راگه‌یاند، دروستكردنی حه‌شدی جاشی‌ كوردی له‌ سنووی پارێزگای كه‌ركووك هه‌نگاوێكه‌ به‌ ئاراسته‌ی دژایه‌تیكردنی هه‌نگاوه‌كانی نزیك بوونه‌وه‌ی هێزی پێشمه‌رگه‌ كوردستان و سوپای‌ عێراق، بۆیه‌ به‌پیلانێكی شۆڤێنیانه‌ی ده‌بینین.

ئه‌م هه‌نگاوه‌ له‌ به‌رژه‌وه‌ندی پێكه‌وه‌ژیان و یه‌كڕیزی‌ نێوان كورد و نه‌ته‌وه‌كانی تردا نییه‌
روونیشی‌ كرده‌وه‌ كه‌ ئه‌م هه‌نگاوه‌ له‌ به‌رژه‌وه‌ندی پێكه‌وه‌ژیان و یه‌كڕیزی‌ نێوان كورد و نه‌ته‌وه‌كانی تردا نییه‌ و ململانێیه‌كان زیاتر توند ده‌كاته‌وه‌.