“عەمید فاروق حەسەن” فەرماندەی لیوای 9ی پیادەی هێزەکانی 70 یەکێتی ئەمڕۆ لەمشتومڕێکدا سوکایەتی بەئەفسەرێکی لیواکەی دەکات بەناوی “نەقیب سەروەر” دەبێتە شەڕە جنێویان لەئەنجامدا نەقیبەکە ئەو سوکایەتیە قبوڵ ناکات و دەم و دەست لە عەمید فاروق دەدات، هاوکات پاسەوانە تایبەتەکانی فەرماندەکەش دەستدرێژی دەکەنە سەر ئەفسەرەکە و زۆری لێدەدەن و پاشانیش تەقە لەو نەقیبە دەکەن و برینداری دەکەن، لەئێستادا نەقیبەکە لەنەخۆشخانەیە و گیانی لەمەترسیدایە.
بەپێی زانیارییەکان کەئەفسەرەکان دەیگێڕنەوە و دەڵێن؛ عەمید فاروق پیاوێکی بێ ڕەوشتە و ڕۆژانە سوکایەتی بەئەفسەرەکانی لیوای 9ی پیادەکەی هێزەکانی 70ی یەکێتی دەکات، ئەوانیش زۆر گلەییان لەو ئەفسەرە کردووە لەوەزارەتی پێشمەرگە، بەڵام لەبەر ئەوەی لەلایەن لاهورەوە دانراوە کەس گوێ بەسکاڵاکانیان نادات.