چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەڕێوەبەرایەتی ئاسایشی هەولێر لە راگەیەندراوێکدا ئاشکرای کرد کە لە یەکێک لە بازگەکان کارمەندێکی ئاسایش”ڕەفتارێکی خراپ”ی بەرامبەر بە هاووڵاتییەک ئەنجام داوە و بەو هۆیەوە رێککاری یاسایی بەرامبەر گیراوەتە بەر و سزا دەدرێ.
راگەیەندراوەکە وێنەیەکی بۆ چرکە نێردراوە و لە بەشێکیدا هاتووە “لە ڕێکەوتی ٦-١٠-٢٠٢٠ کارمەندێکی ئاسایش لە بازگەی شێراوەی ڕێگای هەولێر – کەرکووک بە پێچەوانەی رێنماییەکانی ئێمە ، ڕەفتارێکی خراپی نواندووە کە پاڵی بە هاوولاتیەک ناوە و بەریداوەتەوە”.
بەریوەبەرایەتییەکە رایگەیاندووە کە دەستبەجێ لێکۆلینەوە لە ڕووداوەکە کراوە و ڕێککاری ياسايی بەرامبەر کارمەندەکە گيراوەتە بەر و “سزای خۆی وەردەگرێت”.
