چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
له ڕاگه‌یندراوێكی نوسینگه‌ی پارێزه‌رانی مه‌لا به‌ختیار ئه‌ندامی ئه‌نجوومه‌نی باڵای سیاسی و به‌رژه‌وه‌ندی یه‌كێتی هاتووه له به‌رامبه‌ر ئه‌وه‌ی بڕیار نامیق ڕۆژنامه‌نوسی گۆڕان و سایتی كه‌ی ئێن ئێن له به‌رنامه‌یه‌كدا ته‌شهیریان پێكردووه ده‌داته دادگا.
نوسینگەی پارێزەری مەلا بەختیار ئەندامی ئەنجومەنی باڵای سیاسی و بەرژەوەندی یەکێتی، سکاڵا لەسەر سایتی KNN بڕیار نامیق و جەلال مەسۆیی تۆمار دەکات، لەپای ئەو تەشهیر و ناوزڕاندنەی لە بەرنامەیەکی سایتەکەیاندا، بەرامبەر مەلا بەختیار کردویانە.
لەوبارەیەوە نوسینگەی پارێزەریی مەلا بەختیار، رایگەیاند: رۆژی یەک شە ممە 21/9/2020 لە دادگای لێکۆڵینەوەی سلێمانی و بەپێی یاسای کاری رۆژنامەگەریی سکاڵا لەسەر سایتی KNNو بڕیار نامیق ئامادەکاری بەرنامەو جەلال مەسۆیی میوانی بەرنامە، تۆمار دەکەین، بەو پێیەی هەر سێ لا هەستاون بە ناوزڕاندن و تەشهیر و بێ رێزیی کردن بەرامبەر بە مەلا بەختیار.
نوسینگەی پارێزەریی، رایشیدەگەیەنێت، هەر کەس و لایەنێکی تریش تەشهیر ناوزڕاندن بەرامبەر مەلا بەختیار ئەنجام بدات، ئێمە سکاڵای لەسەر تۆمار دەکەین.
