چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
وەزیری تەندروستی هەرێمی کوردستان و كونسوڵی گشتی ئەمریكا لە هەولێر پەیوەندییەك ئەنجام دەدەن و وەزیری تەندروستی داوای هاوكاری تەندروستی بۆ هەرێمی كوردستان دەکات.
د. سامان بەرزنجی، وەزیری تەندروستی حكوومەتی هەرێمی كوردستان بڵاویکردەوە، “ئەمرۆ یەکشەممە 23ی 8ی 2020، بە هەماهەنگی فەرمانگەی پەیوەندییەکانی دەرەوە لەگەڵ (ڕۆب وۆڵەر) کونسوڵی گشتی ئەمریکا لە هەولێر، ڕەوشی تەندروستی هەرێمی کوردستانمان سەبارەت بە نەخۆشی کۆرۆنا تاوتوێكرد، باسمان لە ڕۆڵی ئەمریکا كرد لە پاڵپشتی نەتەوەیەکگرتووەکان و دابینکردنی هاوکارییەکان”.
ئاماژەى بەوەشکردووە، لەو پەیوەندییەدا جەختیان لەسەر داواکاری هاوکاریکردنی داموودەزگاکانی تەندروستی لەلایەن ئەمریکا و کۆمەڵگای نێودەوڵەتی و پێدانی مافی هەرێمی كوردستان لە پاڵپشتیە نێودەوڵەتییەکان کردەوە.
