چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
جێگری وەزیری دەرەوەی ڕووسیا، سێرگی ڕیابکۆڤ دووپاتیکردەوە کە ڕووسیا ئارەزووی ئەوە دەکات کە مۆسکۆ و واشنتۆن دەستپێشخەری “جۆرێک لە جوڵەی پێشەوە” بکەن لە بواری ئابووریدا.
ناوبراو لە لێدوانێکدا کە میدیاکانی ڕووسیا بڵاویان کردۆتەوە، وتی: ڕووسیا و ئەمریکا پێشکەوتنیان بەدەستهێناوە لە لابردنی ئەو هۆکارانەی کە دەبنە هۆی گرژی لە پەیوەندییە دوو قۆڵییەکان، بەڵام هێشتا زووە باس لە هەر پێشکەوتنێک بکرێت.
ئاماژەی بەوەشکرد: ڕوسیا ئامادەیە بۆ گفتوگۆ لەگەڵ ئەمریکا سەبارەت بە سەقامگیری ستراتیژی و ئەمەش ئەگەری هەیە ئەگەر گۆڕانکارییەکی ڕاستەقینە بۆ باشتر لە سیاسەتەکەی بەرامبەر مۆسکۆدا نیشان بدات.
لە کۆتاییدا وتی: ڕووسیا ئامادەیە هاوکاری باش پێشکەش بکات بۆ ئەوەی یارمەتی ئەمریکا و ئێران بدات بۆ گەیشتن بە ڕێککەوتنێکی هاوسەنگ پێش ئەوەی درەنگ بێت.
