چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
شاری ئیستانبوڵ کە گەورەترین شاری تورکیایە لە ڕووی کارگێڕییەوە بەسەر 39 قەزادا دابەش کراوە، هەریەک لەو قەزایانەش قائیمقایمیەت و شارەوانی و سەرجەم یەکەی کارگێڕی تایبەت بەخۆیان هەیە.
قائیمقایمیەتی ئوسکودار لە هەژماری فەرمیی خۆی لە تۆڕی کۆمەڵایەتی بڵاوی کردووەتەوە: لایەنی پەیوەندیدار دەستی کردووە بە لێکۆڵینەوەی پێویست لەبارەی ئەو وێنەیەوە کە بانگەشەی ئەوە دەکرێت لە کاتی ئەنجامدانی نوێژی تەڕاویح لە مزگەوتی وەلیدەی جەدید چرکێندراوە.
لە وێنەکەدا دەبیندرێت ژن و پیاو بە تێکەڵاوی و لە ڕیزی یەکتردا نوێژیان دابەستووە.
لە ڕاگەیەندراوەکەی قائیمقامیەتی ئوسکوداردا ئاماژە بەوە دراوە کە بە جۆرێک ژنان ڕوو لەو مزگەوتە دەکەن بۆ ئەنجامدانی نوێژ کە لەو شوێنە جێیان نابێتەوە بۆیان تەرخان کراوە، بەڵام ڕێوشوێنی پێویست گیراوەتە بەر بۆ ئەوەی ژنان و پیاوان بە تێکەڵاوی و لە ڕیزی یەکتردا نوێژ نەکەن.
