چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
لەماوەی چەند ڕۆژی ڕابردوودا، وەزارەتی كارەبا لە گەڕەكی شادی هەولێر پڕۆژەیەكی ئەزموونی كارەبای 24 كاتژمێری ڕاگەیاند و ئامانجی ئەو پڕۆژەیەشیان بۆ هاووڵاتیان ڕوونكردەوە، كە مەبەستیان دابینكردنی كارەبای بەردەوامە بۆ سەرتاسەری هەرێمی كوردستان.
ئەمڕۆ یەكشەممە 28ی 7ی 2024، وەزارەتی كارەباری حكوومەتی هەرێمی كوردستان لە یەپجی تایبەتیی خۆی لە تۆڕی كۆمەڵایەتیی (فەیسبووك) بڵاوی كردووەتەوە: “ئەم پڕۆژە ئەزموونییە یارمەتیدەری حكوومەتی هەرێمی كوردستان دەبێت لەوەی باشتر لە پێویستی و داواكارییەكانی هاووڵاتیان تێبگات، تاوەكوو لە داهاتوودا بتوانێت كارەبای 24 كاتژمێری بەشێوەیەكی كارامە بۆ تەواوی هەرێمی كوردستان دابین بكات.”
