سەرۆكی حكوومەتی هەرێمی كوردستان، پەیامێكی لە 50یەمین ساڵڕۆژی بۆردومانی قەڵادزێ بڵاو كردەوە.
ئەمڕۆ چوارشەممە 24/4/2024، مەسرور بارزانی، سەرۆكی حكوومەتی هەرێمی كوردستان، پەیامێكی بڵاو كردەوە و دەڵێت: “نیو سەدە لەمەوبەر، ڕژێمی بەعس قەڵادزێی بۆردومان کرد و سەدان کەسی بێتاوانی شەهید و بریندار کرد، جگە لە وێرانکردنی شارەکە.”
سەرۆكی حكوومەت ئاماژەی بەوەش داوە: “هەروەها لە ساڵی 1982دا، خۆپیشاندانێکی شارەکەی گوللـەباران کرد کە بۆ ڕێزگرتن لە قوربانیانی بۆردومانەکە ئەنجام درابوو، شەهیدانی ئەم کارەساتە هەمیشە لەیادمانن.”