مهسرور بارزانی له ساڵیادی دهرچوونی بڕیاری 688ی ئهنجوومهنی ئاسایشدا، پهیامێ ڕاگهیاند و دووپاتی كردهوه ئهو بڕیاره ڕێی له جینۆسایدێكی دیكه گرت و كۆمهڵگهی نێودهوڵهتی به هانای گهلی كوردستانهوه هات.
ئهمڕۆ ههینی 5/4/2024، مهسرور بارزانی، سهرۆكی حكوومهتی ههرێمی كوردستان، ڕایگهیاند: ئەمڕۆ 33 ساڵ بەسەر دەرچوونی بڕیاری 688ی ئەنجوومەنی ئاسایشی سەر بە نەتەوە یەکگرتووەکان تێدەپەڕێت، کە لە 1991/4/5 لە ئەنجامی هێرش و پەلاماری دڕندانەی ڕژێمی پێشووی عێراق، کۆڕەوی ملیۆنیی خەڵکی کوردستان بەرەو سنوورەکان هاتە ئاراوە.
سهرۆكی حكوومهت دووپاتی دهكاتهوه: ئەم بڕیار گرنگ و مێژووییەی ئەنجوومەنی ئاسایش، بووە بنەمایەک بۆ دانانی ناوچەی دژەفڕین و لە ئەنجامدا سنوورێکی بۆ هێرش و زوڵم و ستەمکارییەکانی رژێمی بەعس دانا و کوردستانی لە جینۆسایدێکی دیکە پاراست و کۆمەڵگەی نێودەوڵەتی بە هانای گەلی کوردستانەوە هات و دواتریش هەڵبژاردنی پەرلەمانی ئەنجام درا و حکوومەتی هەرێمی کوردستان پێکهات.
مهسرور بارزانی له پهیامهكهیدا دهڵێ: بڕیاری 688 وەرچەرخانێکی مێژووییە لە خەبات و تێکۆشانی گەلی کوردستان لە پێناو مافە ڕەواکانیدا. لەم یادەدا، ڕێز و پێزانینێکی زۆرمان بۆ هاوکاری و پشتیوانیی کۆمەڵگەی نێودەوڵەتی و وڵاتانی ئەمریکا، بهریتانیا و فەرەنسا هەیە، بەتایبەتی پشتیوانی و پشتگیریی خوالێخۆشبوان سەرۆکی پێشووتری فەرەنسا فرانسۆ میتران و هاوژینەکەی دۆستی دڵسۆزی گەلی کورد خاتوو دانیێل میتران هەرگیز لە یاد ناکرێت. هەروەها پشتگیریی خوالێخۆشبوو سەرۆکی ئەمریکا جۆرج بوش و هەروەها بەڕێزان جۆن مەیجەر سەرۆک وەزیرانی ئەوکاتی بەریتانیا و جەیمس بەیکەر، وەزیری دەرەوەی ئەوکاتی ئەمریکا مایەی ڕێز و پێزانینی خەڵکی کوردستانە. لە هەمان کاتدا سوپاسی هاوکاری و یارمەتییەکانی هەردوو وڵاتی ئێران و تورکیاش دەکەین کە سنوورەکانیان بە ڕووی سەدان هەزار پەنابەری هەرێمی کوردستان کردەوە.
سهرۆكی حكوومهت ئاماژهی بهوهش كردووه: لە ساڵیادی دەرچوونی بڕیاری 688، دووپاتی دەکەینەوە کە هێشتا مەترسی و هەڕەشە لە سەر خەڵکی کوردستان و ماف و دەسکەوتەکانی هەیە و پێویستە کۆمەڵگەی نێودەوڵەتی، هەڵوێستی جیددیی لە پاراستنی خەڵکی کوردستان و داکۆکیکردن لە مافە ڕەواکانیدا هەبێت و دڵنیایی بدات کە خەڵکی کوردستان پارێزراو دەبێت و جارێکی دیکە ڕووبەڕووی شاڵاوەکانی جینۆساید و پێشێلکردنی مافەکانی نابێتەوە.
بەپەلە
مەسرور بارزانی: هێرشکردنە سەر ژێرخانی ئابووریی هەرێمی کوردستان زیانی بۆ هەموو هاووڵاتییانی عێراق هەیە
سەرۆكی حكوومەتی هەرێمی كوردستان، پێشوازی لە وەزیری كارەبای عێراق دەكات و رایدەگەیەنێت، کە هێرشکردنە سەر …