بەپەلە.. دادگاى فیدڕاڵى بە فشارى ئێران بۆ بافڵ تاڵەبانى بڕێار دەدات
پەیامەکەى بۆ نوسراوە پێیان وتووە بڵاوى کەرەوە، وەرە فەزاخەت لە کۆمێنتە
پارێزەری كارزان هەنارەیی، راگەیاند: دڵنیام لەوەی ئەو پەیامەی بافڵ تاڵەبانی لەبارەی دادگای فیدڕاڵییەوە، خۆی نەینووسیوە و هەر ناشزانێت شتی وا بنووسێت، كەسێك بۆی نووسیوە، چونكە بافڵ تاڵەبانی نازانێ بە كوردی و عەرەبی بنووسێت، جگە لەوەی ناشزانێت ئەنجوومەنی دادوەری و دادگای فیدڕاڵی چین و ڕۆڵ و ئەركە یاساییەكانیان چییە.
دەێ:هیچ كەسێك دژی دادگای فیدڕاڵی و دەسەڵاتی سەربەخۆیی دامەزراوە یاساییەكان و ئەنجوومەنی دادوەری نییە، بەڵكوو رەخنەكان بۆ ئەوەن كە دادگاكان سەربەخۆ بن، چونكە بە ڕوونی تێبینی دەكرێت كە دادگاكان سەربەخۆ نین و بە دڵی دەستە و تاقمی سەر بە وڵاتان بڕیارەكانیان دەردەكەن.
جەختی لەوەش كردەوە: ئەگەر دادگایەكی سەربەخۆ هەبوایە، بێگومان ئێستا دەبوایە بافڵ تاڵەبانی بە تۆمەتی كوشتنی چەندان كەس، لەوانەش (هاوكار جاف، موراد كانی كوردەیی، ئاكام عومەر و چەندانی دیكە) ئێستا لە زیندان بوایە و دادگایی بكرایە، یان لانی كەم دەبوایە لەسەر ئەو كودەتا سەربازییەی بەسەر حزبەكەی خۆیدا كردی دەبوایە لە زیندان بوایە .
گوتیشی: دادگایەك كە لە بەرژەوەندیی بافڵ تاڵەبانی و لەژێر فشاری ئێراندا هەموو كارێكی نایاسایی بكات، دادگایەكی قەبووڵكراو نییە و شایانی ئەوەیە ڕەخنەی لێ بگیرێت، ئەمەشیان تا سەر بۆ ناچێتە سەر.