چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مامۆستا جەعفەر، ئەندامی پێشووی مەکتەبی سیاسی یەکێتی دەڵێ، بۆ ئەوەی سیاسەتی بەعەرەبكردن و دەرپەڕاندنی كورد و توركمان و كلد و ئاشووری جارێكی دیكە بەردەرگامان لێ نەگرێت بڕۆنە سەر سندوقەکانی دەنگدان.
ناوبراو لە لاپەڕەی خۆی لە تۆڕی كۆمەڵایەتیی فەیسبووك ئاماژەی بە ئەوە داوە، كەركووك هەر لەسەردەمی خانزادی سۆرانەوە تا ئەمڕۆ، لە سۆنگەی پەتای خۆخۆری خیانەتی نیشتیمانی و نەزانی و تەسكبینییەوە، خەریك بووە بەیەكجاری لەدەستمان بچێت.
دەڵێ “ئەم سیاسەتی خیانەت و خۆخۆرییە هیچی نەماوە سەری هەموو لایەك بخوات.. ئیتر بەسە.”
ده‌شڵێ: “ئەمجارەیان بە گیانی بەرپرسیارێتییەوە بڕۆنه سەر سندوقی دەنگدان, بۆ ئەوەی سیاسەتی بەعەرەبكردن و دەرپەڕاندنی كورد و توركمان و كلد و ئاشووری جارێكی دیكه بەردەرگامان لێ نەگرێتەوە.”
زیاتر دەڵێ،با كەركووك شاری ئاشتی و دیموكراسی و پێكەوەژیان بێت، چونکە هەركەس و لایەنێک بە دڵی گەلەكەی خۆی نەجوڵێتەوە مێژوو رەحمی پێ ناكات
