چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
لە بانگەشەی هەڵبژاردنی ئەنجوومەنی پارێزگاكانی عێراقدا پارتی لە كەركووك خۆی تاو داوە بۆ زۆرینەی زۆری كورسییەكانی ئەو شارە، بەرپرسێكی ئەو حزبەش دەڵێ هەندێ لە عەرەب و توركمان بۆیە داوای دواخستنی هەڵبژاردن دەكەن، دەزانن كورد سەردەكەوێت.
هێمن هەورامی ئەندامی مەکتەبی سیاسیی پارتی دیموکراتی کوردستان، ڕاگەیاند:”بەوەش دا هەوڵ دەدەین كورد لەم هەڵبژاردنە دەنگی زۆرینەی كەركووك بەدەست بێنێت، ئەو دۆخەی ئێستە هەیە بۆ بەرژەوەندیی كورد بگۆڕین، ئایندەی ئەم شارەش بۆ كورد، لەم هەڵبژاردنەدا یەكلا دەبێتەوە، پارتیش حزبێكە دەتوانێ پارسەنگی هێز بگۆڕێت.
دەڵێ:” ئێمە لێرەین لە کەرکووک، بۆ ئەوەی سەرکەوتنی خۆمان مسۆگەر بکەین، تاوەکو بتوانین کوردێکی باش ببێتە پارێزگاری کەرکووک بەرێککەوتنی هەموو لایەک، مەرج نیە پارتی بێت یان یەکێتی یان هەر لایەنێکی دیکە بێت، گوتیشی هەر کوردێک کە کوردێکی باش بێت و باوەڕی بەکوردستانیەتی کەرکووک هەبێت و نیشتیمان پەروەر بێت بە براو هاوسەنگەری خۆمانی ئەزانین.
