ئەمڕۆ دووشەممە 4/12/2023، بەڕێوەبەرایەتیی ئاسایشی هەولێر بڵاوی کردەوە: “دوای وەرگرتنی ڕەزامەندی دادوەری لێکۆڵینەوەی ئاسایشی هەولێر لەلایەن هێزەکانمانەوە باندێکی بازرگانیکردن بە ماددە هۆشبەرەکانمان دەستگیر کرد کە لە دوو ئافرەت و دوو پیاو پێکهاتوون و خەڵکی وڵاتی سوریان، بەناوەکانی (س، ن، م)، (ر، ع، أ)، (س، ع، ب) و (م، خ، ع)، لەکاتی دەستگیرکردنیان دەستمانگرت بەسەر کەلوپەلی بەکارهێنان و بڕێک ماددەی هۆشبەر لە جۆری (کریستاڵ و مەریجوانە).”
هەروەها ئاسایشی هەولێر راشی گەیاندووە: “سوپاسی هاووڵاتییان دەکەین کە هەمیشە هەماهەنگ و هاوکارن لە پێدانی زانیاری بە بەڕێوەبەرایەتییەکەمان.”