چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بڕیترە لەمانگەدا یەکێتى نیشتیمانى کوردستان کۆنگرە ببەستێت ئەمەش بۆ بەرژەوەندى بافڵ تاڵەبانى تاکوو ببێتە تاکە سەرۆکى تاکڕەو لەناو یەکێتى و هەموو دەسەڵاتەکان لاى خۆى کۆبکاتەوە.
سەرچاوەیەکى تایبەت بۆ چرکە ئاشکراى کرد، لەگەڵ نزیک بوونەوەى ڕۆژى کۆنگرە دۆخى ناوخۆى یەکێتى گرژى زیاتر بەخۆیەوە دەبینێت، بافڵ تاڵەبانى دەیەوێت هەموو دەسەڵاتى کولى حزب لەلاى سەرۆکبێت و مەکتەبى سیاسى و سەرکردایەتى و ئەنجوومەنى باڵاى سیاسى ، تەنها ڕۆڵى شکڵى ببینن و سەرۆک هەموو بڕیارەکانى لابێت بێ ئەوەى جێگریشى هەبێت.
سەرچاوەکە وتیشى: بەتووندى لایەنەکانى دژ بە بافڵ ئەم بڕیار و بیرۆکەیە ڕەت دەکەنەوە ، دەیانەوێت بڕێارەکانى حزب لەسەر ئاستى ئۆڕگانەکان دابەشبکرێت و هەر ئۆرگانە و بەشێک لە دەسەڵات و بڕێارى لابێت، سەرۆکیش جێگرى هەبێت ماڵى کۆسرەت ڕەسووڵ داواى جێگر دەکەن بە دەسەڵاتەوە.
سەرچاوەکە زیاتر وتى ، مەترسى پێکدادان و بەکار هێنانى هێز لەلایەن باڵەکان بۆ یەکلاى کردنەوە و بردنى پشکى خۆیان دەکرێت، ئەو جوڵە بکرێت بەتەواوەتى یەکێتى کۆتاى پێدەهێندرێت.
