چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
دڵشاد جەلال كامیل، چالاكوانی سیاسی، ڕایگەیاند: چەندین ساڵە نە یەكێتی ئامادەیە پارەی داهاتی سلێمانی بۆ حكوومەت بگەڕێنێتەوە، تاوەكوو خزمەتگوزاریی بۆ شارەكە پێ بكرێت، نە خۆیشی لەو سنوورەی ژێر دەسەڵاتی خۆسەپێندا دارێكی لەسەر بەردێك داناوە.
وتویەتى:لەدوای ڕێككەوتنی هەردوو حكوومەتی هەرێمی كوردستان و حكوومەتی عێراق و پەسەندكردنی بودجە، یەكێک لە خاڵەكانی ڕێككەوتنەكە ئەوەیە، كە دەبێ حكوومەتی هەرێمی كوردستان سەدا پەنجای داهاتی دەروازەكان بدات بە حكوومەتی عێراقی فیدڕاڵ، یەكێتی خەریكە لەم بەینەشدا نایەوێت داهاتی دەروازەكانی سنووری سلێمانی بدرێتە حكوومەت، بۆ ئەوەی جارێكی دیكە كێشە و گرفت بۆ هەردوو حكوومەتی هەرێمی كوردستان و عێراق دروست بكات.
