چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
پڕۆفیسۆرعومەر رەنگێنەیی راگەیاند: ئەوانەی هاوبەشی حكوومەتن كە سێ حزبن، دەبێت ئەو حزبانە رێگە بە دەسەڵاتی حكوومەت لە رێگەی وەزارەت و پارێزگارەكانەوە لە هەموو ناوچەكان بدەن، بۆ ئەوەی كار و بەرنامە و پلان و كارنامەی حكوومەت جێبەجێ بكرێت.
گوتی: حكوومەت لایەنێكی جێبەجێكارە، بۆیە دەبێت كارەكانی خۆی وەك پڕۆژە و وەبەرهێنان و پەرەپێدانی ئابووری لە هەموو ناوچەكان ئەنجام بدات، دەبێت سیاسەتەكانی حكوومەت لە هەموو ناوچەكان جێبەجێ بكرێت و هیچ حزبێك مافی ئەوەی نییە رێگری لە كارەكانی حكوومەت بكات.
دەڵێ:خزمەتگوزاری و پڕۆژە و ئاوەدانكردنەوە و پەرەپێدانی ئابووریی هەموو ناوچەكان ئیشی حكوومەتە نەك حزب، بۆیە هەر كاتێك حزب دەستی خستە ئیشی حكوومەتەوە، حكوومەت ئیفلیج دەبێت، ئەوەی لە سلێمانی روو دەدات هەڵەیەكی گەورەیە .
