چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئالان حهمە سهعید وەزیری پەروەردەی ههرێمی كوردستان رایدهگهیهنێت بهپێی یاسای ژماره 13ی 2022، هەرکەس (دزە) بە پرسیاری تاقیکردنەوەکان بکات یان (مامەڵەی پێوەبکات) یان ( زانیاری) لە بارەیانەوە بدرکێنێت سزاکەی سێ(٣) ساڵ و زیاترە واتا کەمتر لە سێ ساڵ سزا نادرێت.
له نوسینێكدا ئالان حهمه سهعید دهشڵێت “ئەو کەسەی (ئەندامی لیژنەی تاقیکردنەوەکانە) یان ئەرکی( گواستنەوەی پرسیارەکان ) یان ( هەڵگرتن وپاراستنی پرسیارەکان ) ی لە ئەستۆدایە و ئەگەر بابەتێکی لەو جۆرەی لێ رووبدات (٦)شەش ساڵ زیندانی دەکرێت و لەوەزیفەش دەردەکرێت، بە تاوانی ئابروبەر ( جرائم مخلە بالشرف) هەژمار دەکرێت کە لەیاسای سزادانی عێراقی ساڵی ١٩٦٩ دا لە ماددەی (١١١)ی ئاماژەی پێدەدات”.
