چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
دژەتیرۆری کوردستان ڕایگەیاند، کاتژمێر 03:40ـی ئەمڕۆ هەینی درۆنی تورکیا ئۆتۆمبێلێکی چەکدارانی پەکەکەی کردە ئامانج، کوژراو و برینداریشی لێکەوتەوە.
لە ڕاگەیەنراوی دژەتیرۆری کوردستان هاتووە کە فڕۆکەی بێفڕۆکەوانی سوپای تورکیا لە سکێنیەی سەر بە ناحیەی گرعوزێر لە قەزای شنگال ئۆتۆمبێلێکی چەکدارانی پەکەکەی کردە ئامانج.
دژەتیرۆری کوردستان ئاماژەی بەوەش دا کە بەهۆیەوە 2 چەکداری پەکەکە کوژران و 3 چەکداری دیکەش بریندار بوون.
