سەرۆكی حكوومەتی كوردستان مەسرور بارزانی، دووای كۆبوونەوەی لەگەڵ نوێنەرانی نانەواخانەكانی كوردستان بڕیاریدا بۆ كەمكردنەوەی بارگرانی دارایی سەرشانیان 50% پارەی كارەبایان بۆ كەمبكرێتەوە.
نوسینگەی سەرۆكی حكوومەتی كوردستان مەسرور بارزانی بڵاوی كردووەتەوە، دوا بەدوای دیداری ڕاستەوخۆی سەرۆکی حکومەت لەگەڵ نوێنەرانی فڕن و نانپێژەکانی کوردستان و بەدواداچوون بۆ کێشە و داواکارییەکانیان كرا و بڕیار لەبەرژەوەندیان درا.
هەروەها نوسینگەی سەرۆكی حكوومەت دەڵێ:” لە پێناو ڕووبەڕووبوونەوەی لێکەوتەکانی بەرزبوونی نرخی ئارد لە بازاڕەکانی جیهاندا، سەرۆکی حکومەت بڕیاریدا لە سەدا پەنجا داشکاندن لە نرخی کارەبا بۆ سەرجەم فڕن و نانپێژەکانی هەرێمی کوردستان بکرێت.
ئەوەشیان وتووە:” لایەنە پەیوەندیدارەکان بۆ جێبەجێ کردنی ئەم بڕیارە ڕاسپێردراون تا بارگرانیی دارایی لەسەر خاوەن فڕن و نانپێژەکان کەمبکرێتەوە.